超人能量——齊過年

  「年,又過年,共慶歡樂年。」賀年歌曲,響遍街頭,特別熱鬧有氣氛。

  豈料,這個年尾,談談順德菜,介紹新年習俗,竟然有後生話,「阿sir,你係大中華膠」。

  豈有此理,新年不派利是給你,看你膠還不膠。

  不知何年何月,年輕人跟中國文化傳統,如此撕裂。

  我們這一代,由細到大,最好玩的節日,必然是過年,吃的玩的特別多,有利是逗,荷包充裕,有意思係新正頭,賭禁大開,大人破例讓小孩子接觸賭具,更親自教路,十三張、鋤大弟、話事啤、鬥三公、排九、麻將,全靠一年一度家家戶戶去拜年學回來。當然,口袋利事錢,全交了學費。

  拜年賭博之外,就是睇賀歲波,七十年代是我睇波的黃金歲月,賀歲波最難忘一次,港聯對西德勁旅漢堡,陣中有名將國腳施拉,港聯死守,最後憑耶蘇居里頂入小勝漢堡。

  打贏世界級勁旅,香港球迷歡喜若狂,以為,香港足球達到國際水平。

  當年賀歲波碼吸引,是邀請世界級勁旅打四角賽,外隊之外,還有一隊華聯,是全華人班,只要是華人、不理國籍。一支港聯是外援球員,只要在香港搵食。一支香港代表隊,全是本地土生球員。分三隊角力,依然可觀,足見人材濟濟,球迷也不分本地外來,甚麼國籍,洋華共處,各有支持,沒有人會指你本地膠或大洋膠或中華膠。

林超榮

hd