88金管——中小企慳錢神器

  小森:「各位中小企朋友,今日我想同大家介紹返一件慳錢神器,可以幫各位慳錢、慳時間,仲慳埋電匯廣東省嘅使費。呢件神器就係電子支票!」阿四你覺得我呢段介紹電子支票嘅開場白點呀?
  阿四:叫電子支票做神器係咪有啲誇?
  小森:一啲都唔誇,中小企如果用電子支票代替實體支票,真係可以慳唔少。本地平郵寄支票最平要一個七,小數怕長計,用電子支票就可以慳返筆郵費。
  阿四:入票都係成本!用電子支票就可以慳返同事去銀行入票嘅時間。我睇新聞不時見到員工冒簽支票「穿櫃桶底」嘅報道,用電子支票會唔會好牙煙㗎?
  小森:電子支票唔使手寫簽名,而係用數碼簽署,咁就可以減低支票被人盜用或者冒簽嘅風險啦。
  阿四:頭先你話用電子支票可以慳返電匯費,係咩玩法呀?
  小森:舊年七月開始電子支票可以跨境支付,由香港銀行發出嘅電子支票可以存入廣東省約五十間指定銀行,中小企係咪連電匯費都慳埋先。今個周末開始金管局會喺商場舉辦電子支票巡迴展覽,現場會有學生大使講解,仲有互動示範同遊戲玩。

想了解多啲電子支票嘅朋友,千祈唔好錯過呀,可按以下連結睇展覽詳情!

http://www.hkma.gov.hk/chi/key-information/column/20170421.shtml


小森和阿四


hd