88金管——金管局藝術品

小森:藝術之行,始於腳下,金管局呢度有好多藝術品!

阿四:我知道,金管局資訊中心有「零錢唱」同「銀紙經」呢兩件分別以硬幣同紙幣做素材嘅藝術品吖嘛。

小森:唔止!我哋辦公室都掛咗批靚相,全部嚟自公司嘅攝影高手。每張相片好似藝術品咁裱裝,註有同事嘅姓名。聽聞唔少訪客睇到後都大讚金管局同事多才多藝,而且覺得用同事作品裝飾辦公室好有心思。

阿四:我日日行過都睇到,唔使約我去睇啦。

小森:上一批「貼堂」嘅相片已經放咗好多年,係時間要「退役」。前排我哋向同事公開徵集咗一批新相,掛咗喺辦公室唔同地方,所以叫埋你一齊去欣賞。

想問多啲有關金管局工作,歡迎電郵到小森、阿四專用郵箱:88hkma@hkma.gov.hk


hd