新‧潮——輕軌生活

  有團體指大嶼山東涌區內交通工具不足情況嚴重,東涌原區就業率偏低,只有百分之十五,市民絕大部份要跨區就業。原區就業率低,交通配套或許有影響,但學歷要求至係重要原因。以機場與迪士尼等大機構的大部份工作崗位為例,學歷及兩文三語要求偏高,區內人力供應,以勞動力為主,本就不容易配對上。以為改善交通可以方便就近找工作,可能係美麗誤會。

  東涌興建輕鐵,十劃未有一撇。但澳洲雪梨市中心區,則已極速敲定,會興建一條連接市中心金融中心區,到Ranwick馬場,貫通南北的輕鐵系統。市中心George Street 其中一段將會永久成為行人及輕鐵專用區。港人熟悉的兩座維多利亞時代建築,雪梨市政府大樓及Queen Victoria Building,均坐落在即將會成為行人專區的主要路段。前者落成到今天,都係市政府及議會大樓,後者前身是菜市場,改成商場後,是無人不識的市中心地標。到訪過的港人,都會同意同是保育舊市場,西港城何止輸十條街。如今再成為行人專區的旗艦,必有一番新氣象。

  早前有團體亦建議中環德輔道中某一段,劃成行人專區,認為可以解決中環塞車的部份問題。結果沒有下文。以香港現時社會氣氛,要議而有決,是否有點奢望?

楊振耀

hd