新‧潮——絲路未了緣

  初到絲路係近四十年前。那時月牙泉、鳴沙山不收入場費,火燄山旁沒有西遊記主題設施,係實實在在的樸素旅遊景點。記得當時由絲路中轉站蘭州出發。出發前大軍先嚐著名牛肉麵。當時以為必然加入大量味精,故只喝了兩啖湯水。殊不知把湯頭飲盡的朋友,事後均不覺口渴,方知係真材實料。

  周前首訪絲路起點西安,可算是延續當年的絲路未了緣。高度發展的城市到處滲透着古雅,厚重歷史底蘊。不過,正如絲路沿途的景點,商業味道過份入侵,是不可不防。如何保育幾千年歷史古蹟,平衡商業與文化衝突,係大學問。

  秦始皇兵馬俑博物館絕對震撼。說來諷刺,當年秦始皇希望死後可以繼續掌控王國,需要有兵馬俑大軍陪同保駕。想不到幾千年後,部份依然散落坑道,部份即是重新「站」起來,卻郁不得其正,眼白白望住每日有幾萬大軍(遊客)殺到。如果當年只係輕車簡騎上路,又點會有咁大量人流騷擾?

  西安同時有秦、漢、唐等極豐厚旅遊資源,係其他省市難及。只是夏天實在酷暑難耐,歷史景點大部份都在戶外。每回都要在艷陽下,徒步走回遊客停車場登車,體力差一點都應付不了。

楊振耀

hd