新‧潮——為食消息

  日本人對零食持續不停的研究,產品推陳出新,配合五花八門的市場推廣,成就了非常龐大的零食市場。部份可能曇花一現,未幾就於市場消失,好些則以季節限定作招徠,鼓勵有買要趁手,而大多數卻是盛久不衰。

  近日連鎖便利店LAWSON,特別推出一款新食品。不過即使有興趣一試,都不建議帶回香港。那就是LAWSON著名招牌卷蛋榚內的專用奶油(忌廉)製品。個人不知道其專用忌廉吸引力何在?但商家把它獨立發售,即使只係測試市場反應,相信初推出時必定有唔少捧場客。忌廉由配角變成主角,加到咖啡當中,伴炸雞又或者蘸薯片等,能否提升後者風味,真要試過方知道。

  日本人向來鬼主意多多,過去就有辣椒、醬油、拉麵等不同口味雪榚。甚至推出過,配合食雪榚專用的醬油,感覺雖有點怪,但效果出奇的好。日本也有人提出過,加少許豉油到即食牛奶布甸,即有食海膽效果,不妨一試。

  撰稿時剛有報道,著名花生品牌PLANTERS,會推出用該品牌花生製造,滲透招牌蜜香花生風味,名為Mr. IPA-NUT的啤酒(見圖)。IPA為Indian Pale Ale的縮寫,賣點係啤酒花味特濃。不過啤酒初期只會在伊利諾伊州出售。要品嚐得費周章了。

楊振耀

hd