新‧潮——搭高鐵「蹭飯」

  上周自桂林回港,翌日又乘高鐵北上「蹭飯」。飯敍地離長隆動物園及番禺碧桂園不遠。二十年前朋友在該屋苑置業,當時屋苑宣傳,專巴只需四十五分鐘可以直達廣州。想不到今天車程只要約十分鐘就到達廣州,原因不是巴士提速,又或者加建了高架車道,而是因為廣州已擴展到番禺來。

  「清蒸雲吞魚」眼仔碌碌。

  服務員介紹雲吞魚其實係大頭魚,供客前先用礦泉水飼養三十日云云。事實上草食河魚供客食用前,先換到潔淨的水體養活,並禁食一段時間去除體內泥味,係標準做法,不必深究是否用礦泉水,就當係茶餘飯後話題好了。倒是該魚肉質比一般大頭魚來得爽脆,亦係事實。

  另一道菜則係近年流行的「薑䓤橄欖油浸海豹蛇」。海豹蛇來自泰國,在當地捕獲後加冰塊令其進入猶如冬眠狀態,再運出口。因為處理過程中溫差太大,「復活」之蛇,要短時間內供食。海豹蛇係無毒水蛇,肉質細嫰,比花錦鱔肉纖維更細更有彈性,卻少了魚皮的過份豐腴。比吃鱔來得爽口過癮。可是始終是蛇,加上外表黑白相間,賣相並不討好。席間女士們平素連鱔魚都敬謝不敏,自然聞蛇色變。結果個人得以「超額進口」。

楊振耀

hd