新聞故事——非常爸爸 鼓勵兒子 成電競選手

        電子競技運動席捲全港,吸引不少年輕人想晉身成為電競選手,但社會及家長普遍對「打機」仍存有「廢青」、「無前途」的標籤。英皇電競新成立的G-REX PUBG隊伍成員龐加曦(小肥)卻有個「非常爸爸」,不但與兒子一起「打機」,更鼓勵兒子成為電競選手,為港爭光。記者:姚秀儀 攝影:陳浩元

        射擊遊戲絕地求生(PUBG)在港掀熱潮,G-REX PUBG隊伍前鋒小肥原是南華乙組籃球員,與身為籃球教練的兄長一同組成籃球隊,更進軍學界籃球賽,閒時才與父親及哥哥一起打機,但爸爸在與小肥「親子遊戲」的過程中發現兒子天份,龐父笑言:「見到佢眼同手嘅反應好快,係槍Game上面好有天份。」即使在旁人眼中,兒子似乎在籃球運動上發展會較有前途,龐父卻以兒子意願為先,「父母同子女之間最緊要係溝通同埋了解,我雖然係持開明嘅態度支持佢,但其實都係另一個角度嘅怪獸家長,一定要有始有終,唔可以話打打吓就唔玩。」

  獲父親理解,令小肥在籃球與電競的分岔路上找到方向,「佢(父親)成日鼓勵我,『畀啲信心自己啦』,最後原來我真係得㗎喎。」

  隊中後衛杜柏輝(Neo)是樂隊Mr.鼓手Tom的胞弟,原本替哥哥打理結他店,「(向哥哥告知想成為選手時)佢有掙扎過嘅,但最後都支持我,因為佢知道呢個機會係好難得。」然而,隊長楊庭衞(BlackWai)卻並沒有小肥及Neo般幸運,「屋企人本身覺得打機唔係正職,但睇到我一路以嚟嘅努力,知道我係認真對待,開始接受。」

每日練習逾十小時

  作為僅成立逾月的新生戰隊,G-REX PUBG每日練習逾十小時,即使放假亦「貢獻」予PUBG,目前在Afreecatv舉辦的「 APL ASIA SCRIM」比賽的二十支隊伍中排行首六位。BlackWai認為,把興趣變為事業後,便會全程投入,助戰隊打出佳績,「雖然都驚會有厭倦期,但要明白呢件事唔再只係興趣,仲係我哋工作,我哋要尊重自己嘅職業。」小肥補充,身為職業選手需要有堅持下去的心態,及想進步的心,「每一刻都係為世界賽做好準備,希望可以爭取佳績。」

  風光背後,電競選手與運動員一樣,面對退役後去向問題。隊伍另一位前鋒黃志聰(Alex)笑言,原本無打算會投身電競業,「本身想喺機場做嘢,所以退役之後可能會做返相關嘅嘢,但目前最緊要係做好自己。」然而電競業瞬息萬變,誰又能預料未來將會如何?或許正如龐父所言:「未來嘅路係自己行嘅。只要保持對行業嘅熱情,對行業作出貢獻,就已經足夠。」

hd