營爆生活——心思C

  眼見身邊有不少人「中招」,唔想臨近情人節同新年先患感冒,好多朋友都會話「食粒維他命C頂住先!」係,維他命C除了具抗氧化功效,有助增強免疫力,增加鐵質吸收及製造骨膠原外,更對牙齒、骨骼、皮膚和身體細胞組織的成長與修復都好重要。現時雖未有足夠證據指出進食維他命C有助預防感冒,但如果平日(即發現感冒症狀前)能攝取足夠維他命C,感冒發病時間有機會縮短。所以要防範於未然,唔好等快發病才開始補充。

  「咁需要用補充劑嗎?是否攝取得愈多愈好?」成人建議每日攝取量為男士90mg;女士75mg,而吸煙人士需多攝取35mg。維他命C為水溶性維他命,過多會透過汗水、尿液排出體外。但要留意,長期過量攝取(即每日多於建議上限2000mg)可能會引致腎結食或令腸胃不適。一個中型奇異果已含約65mg維他命C,而半杯西蘭花(熟)含約50mg。若平時食夠「日日二加三」,即兩份水果三份蔬菜便可以輕鬆達標了。

  要增強抵抗力,除咗維他命C外,還要確保飲食均衡,攝取足夠優質蛋白質,維他命A、E、鐵質、鋅質、硒質等營養素。另外,恒常運動,確保充足水份攝取及睡眠都同樣重要啊!

陸蕙華

hd