營爆生活——又一種超級食物—藜麥

  相信大家都有聽過「藜麥」(quinoa,讀法為:keen-wah)這款超級食物(superfood)吧!有人宣揚進食藜麥有助「排毒」、減肥之餘,營養仲相當豐富!是真是假?究竟藜麥是甚麼?

  藜麥其實是一種種子,同時又被歸為「全穀物類」。每一杯(一百八十五克)熟藜麥提供大概二百二十二千卡熱量、八點一四克蛋白質、三十九點四克碳水化合物及五點一八克膳食纖維,更含有多種礦物質、維他命及抗氧化物,包括鎂、錳、葉酸、銅、鐵、鋅及維他命E。比起一般白米,蛋白質含量多近一倍,纖維量更多達七倍!進食高纖食物有助維持腸道健康,便便暢通。另外,藜麥屬低升糖指數穀物,有助穩定血糖之餘,亦能增強飽腹感,適量進食有利達到及維持健康體重!

  再者,當中的蛋白質含有九款必須胺基酸屬「完全蛋白質」,特別適合素食者食用。藜麥亦不含麩質,是麩質不耐及乳糜瀉患者的一個主食好選擇。

  有人喜歡用藜麥代替部份甚至全部米飯做炒飯、燴飯及粥,更可以加入沙律、曲奇餅、熱香餅和煎餅等食譜裏,為菜式增添口感及營養!烹煮前,建議先用水浸洗藜麥,去掉「苦」味。注意,進食纖維含量較高的食物同時,亦應多飲水喔!

陸蕙華

hd