商界講呢啲—— 秋季平靚正蟹宴

  嚟到秋天,又點可以唔食大閘蟹啊?尖沙嘴金域假日酒店龍苑中菜廳由即日起至十一月三十號推出多款大閘蟹菜式,入面嘅「紫蘇籠仔蒸大閘蟹」就最得Cally歡心啦,因為可以食到大閘蟹嘅原汁鮮味,配埋鎮江醋、薑米一齊食,真係零舍好食。而龍苑嘅「蟹肉雞茸燕窩羹」、「花雕蛋白蒸蝦球」、「蟹皇醬吉列龍躉塊」、「香檳汁海皇蟹粉焗飯」同埋「生拆蟹粉小籠包」都唔可以錯過。食完蟹宴,嚟返碗「黑糖薑茶湯丸」驅驅寒就啱晒啦。而家只要提前一日預訂,就可以用優惠價每位四百五十八蚊食到呢六款菜,想食嘅大閘蟹迷記得打2315 1006訂位啦。

Cally

hd