商界講呢啲——將軍澳中心與機構合辦 賀年送暖共享蘿蔔糕

  又到新年喇,Cally最鍾意去親戚屋企拜年啦,除咗可以見吓好耐冇見嘅親戚之外,就梗係去逗吓利是啦。不過,社會上仲有好多基層街坊冇能力去同屋企人歡度節日㗎。所以將軍澳中心就同基督教香港信義會合辦「賀年送暖共享蘿蔔糕」,場面仲好開心口添。

  活動有超過40個嚟自葵涌區嘅基層家庭參加,佢哋除咗一齊共享賀年茶點之外,更加可以攞到由名廚馬榮德師傅精心製作嘅100底足料海味蘿蔔糕及新春福袋。馬師傅仲會即席邀請小朋友上台學「刨蘿蔔」同煎蘿蔔糕,等佢哋學返一招半式,返屋企孝敬吓屋企人。

基層家庭生活艱難

  新鴻基地產代理有限公司租務部助理總經理(推廣)劉文豪同小妹講,農曆新年係喜氣洋洋、係一家團圓的節日,對基層家庭嚟講,他們大部分不會購買賀年食品,希望儘量省錢,所以今次同信義會合作真係一拍即合!Cally都好支持呢個活動呀,等多啲人都可以感受吓新年歡樂嘅氣氛!

Cally

hd