商界講呢啲——享受滿滿飽足感 春之味自助餐盛宴

  一年之計在於春,學Cally話齋迎接初春最好嘅方法梗係品嚐美食啦。香港百樂酒店Park café由即日起至四月十五號推出「龍蝦派對」海鮮自助晚餐同浪漫「法國‧越南」之旅自助午餐,由酒店大廚精心炮製各款特色佳餚,務求令大家沉醉喺難以抗拒嘅春季味覺盛宴。

        小妹不嬲鐘意食龍蝦,而Park café嘅自助晚餐就精選咗多款創意龍蝦料理,好似龍蝦帶子黑魚籽鮮果沙律呢道前菜咁,用嚟開胃就最啱啦。主菜之一嘅鮑魚龍蝦竹笙雞絲翅,由大廚即場慢火烹調,入口啖啖龍蝦肉同鮑魚,真係食到舔舔脷。另外,自助晚餐仲會每晚供應紐西蘭生蠔、加拿大雪花蟹腳等生猛海鮮,海鮮迷又點可以錯過呢!

一次過食勻法國、越南菜

  想同時食法國菜同越南菜?Park café嘅浪漫「法國‧越南」之旅自助午餐,供應一系列糅合兩地飲食精髓嘅美食,包括鮮甜嘅法式海龍皇海鮮鍋、醒胃嘅法式鹹檸檬燉雞等!自助晚餐同午餐設有生日優惠,包括每四位或以上惠顧,一位當月嘅生日之星可以免費享用自助晚餐,仲會獲贈生日蛋糕一個,而同行嘅有八折優惠。另外,仲有小童長者同Facebook優惠O添。有興趣記得打電話2731 2168或者WhatsApp6588 0682訂枱啦。

Cally

hd