商界講呢啲——儲印花換PIXAR公仔同家品

        Cally近期為咗儲惠康印花,lunch成日拉同事去買零食,放工又去買一大堆家居嘢。事關佢推出嘅「反轉夏日毛公仔及家品系列」,日前推出咗8隻可愛又軟綿綿嘅毛公仔,包括胡迪、巴斯光年、毛毛、大眼仔、Mo仔、多莉、阿羅同閃電麥坤。而最吸引Cally嘅係7月11日推出嘅限量換購特別版實用家品,包括不含BPA嘅500毫升直飲式水樽、瓶蓋頂有立體胡迪造型公仔嘅真空保暖瓶、有集製冷同加熱於一身嘅便攜式迷你雪櫃,同埋內置特別模版,可以喺多士上烤出胡迪星星徽章同牧羊女寶貝蝴蝶結雙面圖案嘅多士爐!星期六、日去惠康買夠$350仲可以賺雙倍印花,真係好想快啲帶晒佢哋返屋企呀!

Cally

hd