商界講呢啲——夏威夷美食大餐 恒生信用卡客戶尊享65折 8歲或以下小童免費

  夏日熱辣辣就梗係要去陽光與海灘啦!就算放唔到假都唔緊要,而家皇家太平洋酒店柏景餐廳帶你享受盛夏美食!由即日起至9月30日,酒店全新呈獻「ALOHA」夏威夷盛夏派對自助餐,同你食盡異國風情。夏威夷擁有富饒嘅海產,龍蝦、三文魚、黃鰭吞拿魚當然唔少得,仲有香港人最鍾意食嘅鱈場蟹腳啦。炎炎夏日又點少得沙律,廚師先以海鹽幫三文魚「按摩」,然後再配上海藻、檸檬汁、洋葱同番茄一同醃漬,酸酸甜甜等你胃口大開。之後仲有慢烤原隻卡魯瓦乳豬,佢係夏威夷傳統美食之一,總廚先以蕉葉包住原隻乳豬,再加入香料慢煮48小時,等乳豬索哂蕉葉嘅香氣,同時又可以時保持肉質嫩滑多汁。而家恒生信用卡客戶仲尊享65折,8歲或以下小童同兩位付費成人同行,更尊享免費O添。咁着數,仲唔嗱嗱聲打去2738 2322,或於官網www.royalpacific.com.hk訂位。

Cally

hd