商界講呢啲——有危就有機! 共享工作空間進入整固期

  小妹早前跟御一空間創辦人兼行政總裁陳恩德(下圖)傾開,近排受社會氣氛影響,令商廈租務淡靜,共享工作空間亦不能獨善其身,加上近年多咗共享工作空間,所以他預料今年內共享工作空間嘅房租價將會回落15%至20%。

  不過正因為外圍和本港氣氛唔明朗,所以有中小企對長租辦公室嘅意欲減少,轉而考慮租期更有彈性嘅共享工作空間,令資金運用變得更靈活。他認為呢批新客戶,將令共享工作空間未來發展不再限於地點或座位數目,而是在服務增值上。所以御一空間推出優惠,尤其針對中小企嘅,凡簽約一年以上嘅租戶,將有三個月免租期優惠。另外,即日起以日租形式租用觀塘道一亞太中心御一空間嘅流動辦公室,每日只需港幣50元;若月租觀塘道或銅鑼灣信和廣場嘅御一空間仲有月租優惠!陳先生最後提小妹,御一空間提供極具彈性嘅工作空間、24小時開放、管家式服務以及專業網絡支援,仲可以喺度舉辦不同類型活動及講座,真係畀佢賣哂廣告!

Cally

hd