商界講呢啲——韓國企業履行社會責任 清潔校園活動

  社會責任大家都知道咩嚟啦,日前由駐香港大韓民國總領事館同香港韓人商工會、兩個機構共同主管,聯同國際非牟利房屋組織仁人家園合作嘅「韓國企業社會責任K-CSR Korean Corporate Social Responsibility」,舉辦咗校園清潔活動。當日,駐香港大韓民國總領事館嘅金元辰總領事同香港韓人商工會James K. Kang會長聯同一眾居港嘅韓國學生或在職人士,聯同中華傳道會許大同學生同家長,分別喺有蓋操場、課室及學校每個角落進行清潔。所有義工都出盡全力咁清潔,雖然滿身汗水污塵,但係都未有言倦。其中,金元辰總領事仲落力蒸氣燙斗清潔禮堂嘅窗簾同埋抹座椅,James K. Kang會長仲從旁協助及清潔禮堂,即使汗流浹背都用心做到最好,身體力行。當清潔完後,更得到M2K Ltd旗下嘅Goobne Chicken贊助 170份烤雞,仲有Maxearn Ltd贊助嘅170份韓式便當,另外仲有韓印紅贊助11箱韓國梨同埋紫菜6箱。大家都食得開心,食飽飽後,仲有精采嘅節目,先嚟勁歌韓式熱舞,之後接着跆拳,YD Taekwondo嘅幕幕精采表演,引發全場嘩嘩聲中,最後喺不絕掌聲下作結。

Cally


hd