企業熱話——提升自己正能量

  人開心啲,身體都會好啲,真係冇錯!有研究顯示,唔同類型嘅「身心靈練習」,譬如靜觀、瑜珈、氣功或太極,對癌症患者喺情緒同生活質素方面都有正面效用。香港大學社會工作及社會行政學系何天虹教授及香港大學行為健康教研中心團隊,舊年開始為大腸癌患者提供為期八周嘅「身心靈復康課程」,而家呢個課程再次招募,凡係已確診為初期至第三期,並喺過去半年至五年內完成基本治療大腸癌嘅患者都啱參加,完成八星期訓練後半年嘅情況都會由研究團隊跟進,唔使錢,又可以改善身心靈狀況,有需要同合適嘅可致電2831 5158查詢,提一吓名額有限呀!

Jacky哥




hd