企業熱話——滙豐保險提供全港獨家基因檢測 自己健康自己掌握

  香港人工作時間長真係出晒名,有調查顯示,港人每日平均工作時間有成8.8個鐘,當中17%打工仔每日工作更超過10個鐘,而60% 港人表示面對巨大嘅工作壓力;40%香港成年人仲有失眠嘅經歷。睇到呢啲數字,就知道情況真係好嚴峻!

  小弟知道最近滙豐保險推出咗一個以基因為本嘅個人化健康方案ONEdna+基因檢測,當中包括ONEdna+健康狀況及ONEdna+癌症風險,獨家提供畀指定客戶㗎!滙豐保險香港行政總裁文德華同小弟講,呢個新加嘅ONEdna+ 測試及功能可以幫助大家了解自己嘅抗壓能力同睡眠質素等,繼而逐步調適至最佳表現,有效咁改善身心健康。

  講緊呢個ONEdna+,其實係去年ONEdna基因健康測試嘅升級版。佢攞咗包括彭博商業周刊中文版頒發嘅「金融機構大獎2018產品/服務創新卓越大獎」、第22屆Asia Insurance Industry Awards 2018 「年度創新」大獎及香港保險業聯會頒發嘅「香港保險業大獎2017傑出創意產品/服務大獎-健康保障」大獎。攞咗咁多獎,真係信心嘅保證。



獨家手機app 資訊源源不絕

  另外,ONEdna+仲有獨家手機app,大家隨時隨地可以攞到更多有關健康管理嘅資訊,包括由合資格健康教練提供嘅冥想指導工具、每日飲食/膳食分析及個人化健康諮詢評估。有咁多嘅支援,要擁有更健康嘅人生真係話咁易啦!

  如果選擇ONEdna+癌症風險測試,大家就可以了解到自己對八種常見遺傳性癌症嘅風險程度。呢個測試其實喺舊年推出嘅ONEdna已經有,仲得到好多正面評價㗎!想知道更多詳情,可以瀏覽www.hsbc.com.hk/onedna。

Jacky哥

hd