企業熱話——為海洋走塑行多步

  有調查顯示每年有約800萬公噸塑膠流入海洋,而海洋生物誤食塑膠更會構成生命危險,以綠海龜為例,誤吞一塊塑膠便有五分之一嘅機會因此而死亡。為咗喚醒大家嘅關注,香港海洋公園保育基金同香港海洋公園合作,今個星期六、日10點半至5點半喺海洋公園舉行第24屆海洋公園保育日,活動唔單只有巨型綠海龜雕塑、以海洋垃圾同生物多樣性做主題嘅遊戲攤位,仲有園內定向遊戲同生態導賞團,好有教育意義,小弟都打算同小女去一轉,等佢自細有愛護海洋嘅心態!值得讚嘅係海洋公園會將12號入場門票收益全數捐贈保育基金,支持亞洲地區嘅野外生態保育及研究工作,真係要畀個Like!

Jacky哥


hd