企業熱話——今個暑期實習 趁機踏入專業之門

  近排小弟睇咗一條由利君牙街訪途人嘅短片《你要補一保》,裏面問咗好多條問題,有啲又真係考起小弟!全部都同保險業有關,大家都可以睇片考驗一下自己(https://goo.gl/mR457A)!

  講番呢條短片,其實係由政府牽頭、聯同保險業推出嘅「提升保險業人才培訓先導計劃」製作嘅,等大家了解多啲保險業,尤其係加深中後勤崗位認識,譬如海事保險專才、精算師、再保險專才等等,從而推動行業長遠發展,希望吸引更多新血入行。除咗擺咗上網嘅短片,先導計劃都喺港鐵站、電車站及車身放置大型廣告介紹畀公眾。

  呢個先導計劃下有四大項目,包括「公眾教育計劃」、「暑期實習計劃」、「專業培訓資助計劃」及「進修實習計劃」。喺公眾教育方面,計劃先後舉辦工作坊、講座、商場及推廣車活動,以及唔同類型嘅比賽,例如舊年11月舉辦嘅保險科技商業創新大賽等,透過活動大家可以進一步了解保險業,以及呢行嘅未來發展。佢哋遲啲仲會搞密室逃脫比賽,接觸更多學生及年青人,為佢哋嘅生涯規劃提供多條出路!

  至於有興趣投身呢行而又未畢業嘅大學同學,今個暑假係機會喇!同學仔不妨參加「暑期實習計劃」,透過短期實戰工作經驗,親身了解保險業中後勤部門運作,豐富工作閱歷之餘仲可以賺下零用錢。據講過去兩年已經有超過130個大學生參加咗呢個實習計劃,反應好好,三月尾就截止報名㗎啦!先導計劃詳情:https://www.instalent.org.hk/

Jacky哥

hd