企業熱話——海運保險專才機遇處處

  有研究話未來十年,大部分今日人類工作可被人工智能機器取代,面對咁樣嘅危機,有上進心嘅年輕人更加要成為專才,邊類專才最被需要?早前特區政府公布嘅「人才清單」裏面,講咗目前本港最需要邊類型人才配合發展,其中保險業嘅精算師同海運保險專才都榜上有名!

  可以咁講係有數字說明嘅,事關香港係亞太區內其中一個最重要嘅樞紐港,每日處理嘅貨櫃高達67,000個。加上受惠於「一帶一路」倡議、港珠澳大橋開通同粵港澳大灣區發展,海運保險呢行可謂機遇處處。

  小弟同一位從事多年海運保險嘅朋友傾開,佢話呢種保險主要分為兩類,一係船體同機械保險,即係承保船體、機械設施;二係貨物保險,指船上貨物嘅損失或損毀。因為大自然、人為或運輸工具等原因,航程中會面對各種各樣嘅風險。例如:2010年索馬里海盜猖獗,佢就同個客研究點樣改變航線嚟避開海盜區。有時仲要親身去到當地幫個客處理賠償。聽佢講呢啲經驗都幾有趣,佢仲話喜歡向高難度挑戰嘅年輕人可以考慮吓!

  海運保險同其他保險業中後勤職位一樣,需要大量新血。新入職可以由助理主任或主任做起,有五年經驗就可以升為高級主任、助理經理或經理,月薪可達到五萬蚊!更多詳情請瀏覽:https://www.instalent.org.hk/

Jacky哥


hd