企業熱話——拆解活動潛藏危機高手

  今日係正月十五元宵佳節,古時有花燈會,不過而家搞呢啲活動,有樣嘢一定唔同,就係有個「風險管理師」出場,計一計買個「公眾責任保險」!一旦有意外發生,受保人都得到責任保障,即使因意外導致第三者受傷或財物損毀,有關保險亦會提供賠償。

  風險管理師嘅角色好重要,譬如即將舉行一場大型音樂表演,佢要去到活動現場視察環境、評估出入口同走火通道係咪安全、人流控制安排、表演特技效果會唔會有潛在風險,再提供合適方案,兼且要同客戶討論點可以減低風險。另一方面,風險管理師亦俾意見核保師,睇吓會唔會承接保單。

  齋咁睇風險管理師都係十分專業嘅職位啦!所以可以入行嘅,除咗要求大學畢業外,對時間管理方面都要好識得控制,喺嚴格時限內完成工作,仲要有根據實際環境靈活變通、項目管理,甚至仲需要有分析財務報表等嘅技能!

  計小弟話保險業唔係只有前線,仲有好多中後勤職位等大家接棒!至於仲讀緊大學嘅同學,可以考慮吓參加呢個由政府資助嘅保險業暑期實習計劃,吸收實戰經驗。截止日期係3月29日,詳情請瀏覽:https://www.instalent.org.hk/tc/content/sip

Jacky哥

hd