企業熱話——以舞會友提升抗逆力

  街舞等於正能量!這是參與社會公益事務三十年、熟悉高危青年服務嘅資深臨床心理學家盧陳清泉(右圖)講嘅,佢做咗個香港青年人心理質素等嘅分析,結果顯示,了解並建立青年人所喜愛嘅平台,好似街舞咁,有呢啲活動嘅人自信心、解難能力同人際關係都有所提升,抗逆能力亦都提高咗。

  所以協青社Youth Outreach成立咗嘻哈學校,以街舞為媒介,通過街舞增強學生正面情緒。而且協青街舞仲連續六年得到周大福珠寶金行有限公司冠名贊助舉行「YO Dancical」週年大型街舞劇暨籌款活動,去年YO Dancical《一念之間》以精神健康做主題,今年得到周大福慈善基金捐助,向學校推廣為期三年嘅校園正向心靈先導計劃,向學生傳遞正向訊息,今年協青街舞劇YO Dancical會以劇目《一念之間:無懼》,四月十三號喺沙田大會堂演出,並且會宣揚「舞出自療(Dance Empowers People)」,下午兩點半場,凡係經協青社或學校老師或社工轉介嘅,都可免費攞到入場券。不過晚上七點半場,「周大福珠寶呈獻YO Dancical協青街舞劇2019」,就係公開畀大家購票入場,而且仲係個為活動籌款,大家支持吓!

Jacky哥


hd