企業熱話——敬老樂捐積福

  長者是要來孝敬的!就如正月初五御華陽慈善社喺帝京酒店搞咗個「華陽新歲耀耆英2019」長者春茗暨「華陽與你歡樂今宵」聯歡晚會,來自鄰舍輔導會、香港明愛、鐘聲慈善社、保良局、耆康會同埋香港救世軍等六家機構旗下嘅四百多位高齡長者,大家喺美饌、各項表演及活動中共慶新春!而御華陽慈善社嘅會員出錢出力,百多位義工參與及各界籌得嘅善款與贊助物資,都令到當晚免費宴請長者嘅新春晚宴能圓滿舉行。御華陽慈善社主席賴偉達仲向小弟呼籲「多多益善」,支持御華陽慈善社嘅捐款會悉數用作慈善用途,如果想捐輸可存入御華陽慈善社設於中國銀行之帳戶「名稱:御華陽慈善社/號碼:012-591-10334158」,收據將另行奉上以作扣稅之用。

Jacky哥


hd