企業熱話——呢期嗜牛者好口福

  自問小弟都有啲饞嘴,嗰日食過會展一樓新滬坊主廚干曙光師傅嘅滋味牛篇盛宴,真係不得不講一下。佢嘅宮保脆牛肉做法特別,牛肋肉蘸上脆漿炸香,一個個波咁,賣相十分吸引,食落外脆內軟,配埋韭菜花同花生嘅香味,口感豐富。另一道菜煎烹椒麻和牛粒選用澳洲和牛,有啲麻、有啲辣,入口即溶回味無窮;小弟覺得街外而家難得食到的灌湯牛肉煎包,更加係必然要點上嘅,個包湯汁豐腴,肉餡鮮嫩,十分滋味。大家係咪都食指大動呢,訂座電話係2582 7332呀!

Jacky哥


hd