企業熱話——幫電腦網絡買保險

  家陣拎住部智能電話,不論訂機票、銀行過數還是網上買嘢,撳幾吓就搞掂。雖然網絡世界帶畀我哋好多方便,但同時企業亦好易成為黑客攻擊嘅目標。一旦有機構或企業嘅客戶資料、敏感數據被外洩嘅話,後患無窮!

  早兩年嘅Wannacry勒索病毒事件,全球超過150個國家中招,受害者包括政府部門、商業機構同學校等,病毒透過電腦系統嘅漏洞,惡意加密用戶檔案癱瘓電腦,並要求相關機構用比特幣交贖金嚟將檔案解密,估計嗰次攻擊造成超過40億美元損失。雖然香港未有受到重大影響,但就提醒咗我哋,網絡世界充斥安全威脅,可以帶來非常嚴重嘅後果,包括干擾企業正常運作、客戶流失、招致第三方私隱侵害索償和損害公司信譽等等。

  喺「有風險就要有保險」嘅原則下,保險公司近年積極研究推出網絡保險,呢個新興險種可以保障機構,減低因網絡攻擊帶來嘅損失。

  近年網絡罪案愈來愈多,唔少機構都開始著重網絡保安,並考慮投購網絡保險,發展空間好大。由於唔同行業可能會有唔同嘅網絡保險需要,所以呢行亦好需要唔同學科嘅人才加入!有興趣投身保險業中後勤嘅大學生們,可考慮參加由政府政資助嘅保險業「暑期實習計劃」,詳情請瀏覽:https://www.instalent.org.hk/tc/content/sip

Jacky哥

hd