企業熱話——邊個係終身健康伙伴?

  答案係家庭醫生,佢哋係你嘅醫護過程裏面第一個接觸點,亦即係基層醫療,除咗睇你仲會睇埋你嘅屋企人,提供全面、持續、預防性及協調嘅護理,唔單只診治傷風感冒呢啲偶發性疾病,又或者跟進慢性健康問題如高血壓、糖尿病,而仲係透過疫苗接種及實證為本嘅篩查等方法,幫大家及早預防同控制疾病。想搵個就近嘅家庭醫生?可以上www.pcdirectory.gov.hk衞生署《基層醫療指南》。仲有呀,除咗醫生診所嘅基本資料,仲睇到佢哋係咪參與咗「長者醫療券計劃」!大家趁住今個星期日5月19號係「世界家庭醫生日」,搵返個家庭醫生!

Jacky哥


hd