企業熱話——攞得公關大獎 個個醒神

  做得公關唔單止要八面玲瓏,仲要有創意、搞好品牌,實在十分專業。好似嗰日第四屆香港公共關係獎(2018),台上攞獎嘅公關達人,個個都十分有點子!獎項籌委會主席陳祖澤博士都喺致辭時話,今屆公共關係獎獲得業界的熱烈響應,來自不同界別嘅企業、機構及公關從業員積極參賽,而參賽項目涵蓋唔同範疇嘅公關工作,案例水準亦有所提升;佢仲話為配合粵港澳大灣區嘅發展策略,今屆仲新增咗跨境傳訊類別獎項;最後佢仲衷心感謝接近40家企業和機構對香港公共關係獎嘅鼎力支持!

  其實大會頒獎典禮當晚仲請到政務司司長張建宗擔任主禮嘉賓,呢個獎總共有十個類別共32個獎項,嘉許公關行業及從業員嘅專業成就,最高榮譽大獎仲由市區重建局奪得。

  講開呢個獎評審團都好有代表性,首席評判係恒大傳播學院李少南教授,另外仲有11位商界、公關行業、傳媒、非政府組織及學術界領袖組成。李教授仲話今屆參賽案例展現極高嘅專業水平,而評審團除咗頒發金獎及銀獎外,同時亦頒發多個優異獎,以作鼓勵。

Jacky哥


hd