企業熱話——紙箱包裝業靜靜地起革命

  隨着電商、快遞等運輸同銷售形式嘅轉變,紙箱紙盒等包裝工業都變得好多樣化,早前小弟拜訪咗國際濟豐包裝集團主席鄭顯俊,聽到好多有關瓦楞紙行業知識,正如每個行業一樣,紙箱紙盒包裝業公司要喺市場有競爭力,無論材料、技術都要不斷更新同發展。

  鄭主席話佢哋作為內地領先嘅瓦楞紙包裝供應商,集團擁有逾二十年嘅歷史,係中國排名第七嘅瓦楞紙包裝產品製造商,為客戶提供優質包裝產品及包裝解決方案,擁有超過1,600名客戶,其中唔少客戶係來自電子商貿及物流等新興行業。唔單止頗具規模,而且集團喺江蘇太倉嘅廠房,已經將瓦楞紙板生產線全自動化,相比傳統嘅紙箱包裝廠,感覺既光猛、又乾淨,可想而知投放咗幾大嘅投資!

國內第一間獲頒碳中和標誌嘅公司

  唔單止環境改善咗,原來集團嘅主要營運附屬公司上海濟豐係中國首間獲發瑞士SGS碳中和標誌的公司。此外,集團旗下大部分工廠都係認可碳中和公司,今年三月集團更獲得上海環境能源交易所頒發的CCER碳中和證書,可謂係行業先行者。

  可以做到咁,鄭主席話係因為集團擁有獲得國際安全運輸協會(ISTA)認證為「合資格檢驗機構」嘅研發中心。除此之外,集團亦已採用中央採購及生產排單系統,借助高度自動化及運作妥善的ERP系統,有效控制成本及優化生產流程。

  其實集團舊年喺港交所主板上市,都引起市場嘅關注。集團喺華北、東北、華東及華南地區運作十一間工廠。每間都嚴格保持企業環保水準之餘,最新嘅廣東濟豐工廠仲喺建廠後六個月內實現咗盈利打平。運作得咁好,唔怪得今年三月公佈上市後第一次全年業績更錄得21.4%嘅收入增長,仲要豪派特息O添。

  主席鄭顯俊都話而家成個行業嘅市場份額比較分散,但隨著內地消費行業同電商快遞行業嘅持續快速發展,新技術、新材料、新理念嘅應用會成為市場競爭嘅有力武器,濟豐包裝就係想「打造不一樣的瓦楞紙包裝廠」,進一步提升市場地位。睇嚟隨著瓦楞紙包裝行業嘅整合升級會加快,濟豐包裝好有機會跑出爭取到更多大單,成為行業龍頭之一有望指日可待。

Jacky哥

hd