企業熱話——新思維!運用共享工作空間

  共享工作空間一直都係初創企業熱租嘅地方,早前R ONE創辦人及主席陳恩德同小弟講,佢哋R ONE御一空間自成立以來都好受市場歡迎,今年內出租率能超過九成,所以公司考慮在港開設更多共享工作空間,同時不排除採取收購方式,或與其他共享空間辦公室合併,未來選址包括尖沙嘴及天后,總樓面期望能增至約10萬平方呎。陳恩德仲話眼見而家唔少一身兼多個唔同工作身份嘅斜槓青年族(SLASH),共享工作空間最啱佢哋,所以R ONE最近推出每日租金低至100元嘅優惠畀佢哋,而且每周都會舉辦唔同類型活動,就好似上個月30號,就特登首次贊助場地畀一個融合本土音樂人平台,舉辦咗一場免費音樂會,嗰晚有3屆全國Beatbox冠軍Heartgrey蘇子麟、本地新晉音樂創作歌手包仲欣、KIS羅啟聰,齊齊開心Jam歌。你話共享工作空間嘅空間係咪真係好大呢!

Jacky哥

hd