企業熱話——難得一看日本動畫手稿

  早排小弟預約到尖沙咀1881公館參觀咗《輝耀姬物語》手稿展,呢套由動畫大師高畑勳花咗八年時間完成嘅電影,以日本古典文學《竹取物語》為創作藍本,故事唔單止打破傳統故事框架,加入現代性,畫風亦與眾不同。高畑勳運用古拙嘅線條同素淨嘅淡水彩將作品內各個角色同場景都畫到栩栩如生,呢個由富衛香港聯同吉卜力工作室嘅展覽,更加係吉卜力工作室喺日本以外地區首次公開展出,真係好難得。展覽至今年8月31日,要參觀須電郵campaign.hk@fwd.com預約,每個電郵最多可填5個參加者姓名,每日限50個入場名額,先到先得!

Jacky哥




hd