企業熱話——房協憑人情味 獲社交媒體運用獎

  今時今日,好多公司都重視社交媒體運用,房協喺2017年推出面書專頁「房協人‧情‧味」,內容有「網紅」、房協職員、管理層或轄下出租屋邨居民粉墨登場拍攝嘅人情味短片,介紹發展項目、服務、政策及日常生活小百科,仲會做意見調查,真係善用網媒。咁識得同公眾互動溝通,難怪獲得Marketing Magazine主辦PR Awards 2019嘅「最佳社交媒體運用組別」金獎。

  點解房協利用社交媒體?房協副行政總裁陳欽勉分享,房協透過精簡易明嘅資訊,以至溫馨動人嘅小故事,加上貼地嘅溝通渠道及模式,係希望畀更多年輕受眾認識房協嘅工作,以及服務市民嘅宗旨和信念。咁識得善用社交媒體同科技,抵房協攞獎!

Jacky哥


hd