企業熱話——有Q嘜就知有品質

  不經不覺Q嘜自1979年推出至今已經有41年,早前小弟仲喺Q嘜成立41週年暨准用證頒發典禮,見證著一眾獲得Q嘜人氣品牌大獎嘅得獎品牌,每個得獎品牌又真係好有品質而且大家都好熟悉!

  呢個香港Q嘜優質標誌計劃,係香港工業總會轄下香港優質標誌局推出,當中係分產品、服務、環保管理三個範疇。優標局主席丁煒章(右上)指而家Q嘜計劃拓展至內地、香港、澳門三地,積極發展配合大灣區發展規劃嘅需要,咁大家都放心喺呢三地買到優質嘅產品服務。丁生仲話優標局每年會發出逾2,000張Q嘜准用證,而獲認證嘅品牌仲遍及衣食住行各方面!

  香港工業總會主席葉中賢博士(右下)仲透露,佢地早前申請咗工貿署嘅「工商機構支援基金」,正籌備一個為期兩年嘅項目,透過舉辦展覽會同社交媒體推廣等,支持加強有質素品牌嘅知名度。聽到葉生咁講,小弟都好期待活動嘅舉行。

Jacky哥

hd