企業熱話——27.5萬鎊起 買到文藝復興建築住宅

  蘇格蘭一向畀人好有文化氣息嘅感覺,連建築物都好有風格,小弟見到第一太平戴維斯國際住宅物業銷售有個位於蘇格蘭愛丁堡嘅物業Boroughmuir,係由一座具悠久歷史嘅Boroughmuir學校建築物改建而成,古典設計係由當時蘇格蘭著名建築師John Alexander Carfrae喺1911年建造,改建後住宅保留古雅嘅建築外觀,原有傳統英式雙開式窗戶同發熱器更進行咗翻新,物業仲有兩個中央庭院,十分古雅。雖然幾分鐘路程就到愛丁堡城堡同市中心,但係所有單位都配有車位及備有電動車充電設備;室內採用紐約「Loft‧型格」風格,樓底有4.5米高,仲有1房至4房單位選擇。今個週末19及20號,上午11點至下午7點,喺中環文華東方酒店2樓愛丁堡廳會有展銷會,想同小弟一樣睇吓嘅,記得致電2842 4472或者電郵IRS@savills.com.hk登記呀!

Jacky哥

hd