Shimba工作室——市場有機【商場上的聖誕快樂】Market Play by Uncle Ray

每年聖誕節,各購物商場必會把一定嘅開支放在商場佈置方面,既要花盡心思,更要洞悉潮流去製造打卡熱點,期望在收取不菲嘅租金之餘,能夠為租戶喺呢個消費旺季爭取到更多人流及刺激營業額。早在二十多年前,廣東道某大型商場每年都會為聖誕裝置添上吸睛新點子,除了為商場建立知名度,成為大眾欣賞燈飾必到之處外,更成功令商場變成聖誕節拍照必到嘅景點之一。

近年消費熱點不再局限於傳統購物區,港九新界亦多了不少新型購物商場加入戰團,令競爭更趨激烈。傳統嘅推廣手法當然唔少得,例如在商場內消費滿一定嘅金額就可以獲得一些優惠或禮物。近來就連喺電視廣告中備受爭議嘅植入式廣告,亦出現喺商場聖誕裝置之中。例如在一個聖誕小鎮嘅佈景內,會加上某銀行、化妝品或奢侈品牌嘅標誌,不需汪阿tag,品牌嘅名字都會喺你嘅相片出現!另外,一些聯乘嘅活動亦十分受歡迎,例如今年旺角朗豪坊及黃埔天地分別設有 Tsum Tsum 及比卡超巨型裝置,吸引了不少粉絲瘋狂打卡之餘,更設有 pop up store 售賣相關產品,直接為商場帶來收入。剛剛開幕嘅北角匯 Harbour North @VIC 亦以《花生漫畫》園藝為裝置主題,為大家帶來 Snoopy、Charlie 及 Lucy 嘅立體園藝造型,設有七大角色場景打卡位,至1月6日為止,各為粉絲唔好錯過喇!

實體店嘅好處就係可以讓顧客親身感受現場氣氛及接觸產品,悅目嘅節日裝飾的確可以提升歡樂氣氛,帶動顧客嘅購物情緒及體驗,呢一點的確係網購所缺乏嘅!

《花生漫畫》園藝裝置傳送門 :

QR code (bitly link : http://bit.ly/2QF0VsT )

關注 Shimba Digital :

Facebook : QR code (https://www.facebook.com/shimbaDigital/)


hd