Shimba工作室——市場有機【我要做 TOP SALES】Market Play By Uncle Ray

今期想分享兩個議題:「中小企忙什麼」及「銷售員的身份認同」。做得中小企老闆,無論對內對外嘅日常運作,事事都要親力親為,忙是肯定的!但我想最大嘅挑戰還是要追上市場變化,知識、科技、消費形態及市場經濟預測等方面都每日在變。若身處零售行業,更要洞悉潮流變化及準確捕捉萬變的消費模式,真是十分不容易!要成功,就得保持開放嘅學習心態及要努力不懈地自我增值。另外,不少小老闆都要親自面對客戶,如果唔能夠調整心態由銷售做起,恐怕很難堅持下去。說到底,我們每一個人都有一個銷售員嘅身份,分別只在於銷售的產品或服務及對象而已!





Shimba 好努力去打造 Jetso App 成為一個連接商戶及消費者的高效平台,希望能為中小企盡一分綿力。其中「十蚊落廣告」嘅選項係希望商戶能夠用最少嘅價錢得到最高嘅回報,而消費者又可從中獲得優惠。不只我們,領展透過「領展商戶學堂」亦不斷為商戶增值,近期舉辦嘅「TOP SALES 是這樣練成的」講座頗為吸引眼球。開宗明義教商戶如何成功推銷產品而不是 oversell 得嚟趕客,據聞反應不俗。揾咗成功由港姐變身為「Day By Day 手作素材店」同「渣哥一九九六」老闆嘅譚小環分享如何營運兩家風格完全不同嘅商店的營商心得及解難秘訣。同場仲有企業培訓師李燦榮教大家如何成為頂尖銷售員,香港分析師協會副主席潘鐵珊就講下 2019 環球投資佈局。其實「學堂」定期舉辦不同主題嘅講座,例如最新嘅市場信息丶經營理念丶行業形勢丶營銷技巧丶飲食品質及環保節源等等。希望幫商戶開拓商機,締造雙贏局面。




hd