Shimba工作室——市場有機【為 2019 Art Next Expo 喝采】Market By Uncle Ray



繼第五屆 Art Central 早前公佈參展藝廊名單後,另一個為新晉藝術家而設嘅藝術博覽會 Art Next Expo 亦開始咗藝術家招募。越多藝壇盛事在香港舉行,除了愈能夠令本港成為亞洲區內嘅焦點外,亦能夠提升市民嘅素質。藝術發展對於一個物質生活豐富的社會來講,就像是靈魂一樣。藝術可串連社會上不同的板塊,有助交流及共融,而商業嘅參與絕對有推動作用。因此,藝術及商業的分工及互相尊重的精神十分重要。



知名藝術家本身已經不乏捧場客,需要悉心栽培嘅喺名氣稍遜但又甚具潛質嘅藝術家,所以 Art Next Expo 專為他們創造一個平台來串連海內及海外嘅收藏家及投資者,期望有抱負嘅新一代藝術家能夠茁壯成長。它以商業模式營運、自負盈虧,以艱辛嘅路換來較多嘅彈性及自主性。背後兩位推手 Judy Inn 及 Mianco Wong,前者對中西藝術尤其是玉器及現代中國書畫有著深厚認識,後者是個資深公關高手。她倆攜手帶領 Art Next Expo 遊走於藝術和商業之間,落戶喺充滿創意及生命力嘅上環元創方 ( PMQ )。她們說雖然要自掏腰包及親力親為去舉辦藝術博覽會,但上屆傳媒嘅熱捧及數萬名參觀者嘅支持,成為她倆繼續努力嘅推動力。



商業方面,一個有質素嘅藝術博覽會確實可為參與贊助嘅品牌鞏固及提升形象,又可接觸一些高質嘅潛在客戶。其實 Art Next Expo 跟新晉藝術家一樣地需要社會嘅孕育,所以 Shimba 好希望幫手為呢個活動尋找到更多嘅合適贊助商戶,令藝術與商業構成一個愉快嘅循環! 衷心希望 2019 Art Next Expo 喺十一月一至四日響元創方舉行時,能夠刷新紀錄,參觀人數番上一番,所有參與嘅單位更可以一同成長!

hd