Shimba工作室——市場有機《數碼大灣區》Market Play By Uncle Ray

網上世界無遠弗屆,digital marketing 有趣嘅地就係可以突破地域界限,能夠將訊息傳送到世界任何一有網絡覆蓋的地方,但內容卻又要做到夠本地化才能引起受眾嘅共鳴!呢個看似矛盾嘅特點,其實可以借助科技去解決,問題係需要幾多資金及人才資源嘅投入才可 辦到。科技日新月異,要不時提升技術意味着營運成本嘅增加。加上騙徒嘅手法層出不窮,要確保網絡安全亦需要投入大量資源。因此,巿場要夠大、利潤要夠足才可孕育出相關公司。所謂強者越強,因此不難發現 FB 及 Google 已經佔去大部份本地數碼廣告預算投放份額。本地公司要殺出重圍,就得擴大目標市場嘅規模。



近期炒得熱哄哄嘅「粵港澳大灣區」概念,無疑係一個契機。它包括香港、澳門兩個特別行政區及廣東省 9 個市,佔地約 5.6 萬平方公里。 2017 年人口達到 6,956.93 萬,除了係世界第四大灣區外,區內生產總值(GDP)更突破 10 萬億元,媲美喺世界國家排行榜中佔第 11 位嘅南韓。一些本身有優勢嘅香港產業,如國際金融、航運、貿易中心等有機會先行拓展發展空間。假如一些本地媒體及數碼平台往後可以打進這個市場,讀者及用戶可以互聯互通的話,到時產生出來嘅用戶數據價值就能以倍數增長。雖然大灣區內各地文化或有差異,但仍然以粵語為主,要度身訂造本地化嘅內容及訊息也不會太難。若然 IT 專才能夠相互融合的話,再藉著香港本身國際化嘅優勢,本港不難從後趕上成為亞太區內數碼廣告嘅樞紐。

hd