Shimba工作室——市場有機【騙徒嘅手法層出不窮】Market Play By Uncle Ray



近期玩 WhatsApp 貼圖成為潮流,喺新年期間不斷收到由四方八面傳來各式各樣嘅賀年貼圖。除咗有朋友採用自己頭像外,更有不少品牌將自家商標配上祝福語做藍本,設計新穎又有創意。傳送貼圖既可減少數據用量,又可節省手機儲存空間,的確比使用賀年短片更為方便及優勝!因此,不少朋友都鍾意從各方面搜羅免費貼圖,但千祈唔好俾貼圖嘅可愛外貌呃到,一不小心就會隨時中伏。只要一點擊來歷不明而帶有病毒嘅下載連結,你就會墮入陷阱,不但手機資料外洩,就連帳戶都有機會被盜用,所以從官方渠道下載最為安全!



歷史係會不斷重演嘅!還記得 2017 年嘅勒索病毒 WannaCry 嗎?當年不只個人用戶,不少跨國大公司也中伏。只要一中招,電腦中嘅重要檔案就會成為駭客勒索嘅籌碼,受害人要付上贖金才能解鎖贖回檔案,重獲檔案嘅擁有權。除此之外,虛擬貨幣與區塊鏈嘅出現,造就了不少專業嘅挖礦工,同時間也有不少駭客趁受害人進行挖礦運算時,植入挖礦病毒響佢哋嘅電腦而非法地獲取虛擬貨幣。 最令人防不勝防嘅係透過網上平台購物、看影片、追劇,又或者登入公用 Wi-Fi 等等,都有機會中招。所謂「騙騙騙、變變變」,在遊走網絡世界時,還是為你嘅電腦或手機安裝可靠嘅防毒軟件至為安心!

hd