Shimba工作室——市場有機【聽海】Market Play By Uncle Ray

2月28日星期四 · 天晴,地點係屯門蝴蝶灣人跡較罕至的一角。

旅居於香港超過十年嘅德國環保主義藝術家 Liina Klauss,正對著多名準備清理沙灘上的海洋垃圾嘅「無塑海洋」義工們說 : 「 我哋今天三十幾人 "有幸" 體驗到其餘七百多萬香港人未能親身見證到嘅事,就係香港海洋污染嘅嚴重程度」。



的確,當日嘅海洋垃圾種類繁多,當然唔少得屬於 "中堅份子'' 嘅膠水瓶、包裝袋、飲管、飯盒、破玩具、爛鞋等,但亦不難發現舊車軚、油桶等大型物件夾雜其中。如果唔係親眼見到,真是難以想像! Liina 強調是次活動不只是清潔沙灘咁簡單,而是「collect colors」,她會重新賦予藝術價值與色彩給收集得來嘅廢物,把它們變身成為一個色彩繽紛、具感染力而帶有深遠意義嘅巨型藝術作品,並於三月底放置喺香港前水警總部 1881 公館。目的係讓我們去反思人類與大自然的關係,並將信息傳遞開去! Liina 更說塑膠廢物對我哋嘅海洋傷害最深,期望透過製作一個由垃圾昇華而成嘅巨型藝術裝置來打開大眾嘅耳朵,一齊聽聽海洋嘅哭泣求援聲!



題外話

這個於三月底响香港法定古蹟前水警總部 1881 公館舉行嘅活動名為「Beyond Plastic: Breguet, the Marine Explorer」,期望能透過藝術家、品牌、媒體及義工嘅力量令大家正視海洋垃圾呢個逼近大眾眉睫嘅問題!

hd