Shimba工作室——市場有機 【初創科技公司拯救隊】 Market Play By Uncle Ray

“You have to start with the customer experience and work backwards to the technology”是美國蘋果公司聯合創辦人喬布斯一針見血的一句說話。科技必須以客戶體驗為本,若未能夠得到廣泛使用,再好的發明也是徒然!



早前,有幸隨着集團去參觀位於觀塘嘅「信和創意研發室」,令我不其然又回想起這句說話來!研發室配備咗不少由本地及其他地方搜羅回來嘅房產及家居創新科研產品,包括 3D Mapping、可改善空氣質素嘅油漆、智能調光窗膜、AI 陪伴機械人等等,產品既貼心又實用。但最重要嘅裝置可算是兩個按照信和旗下住宅單位及酒店房間而設置嘅實況應用場景。研發室不失為一個發展房產科技嘅「沙池」,為本地及海外初創公司及研發人員提供了一個實況環境去測試最新技術,可讓創科圈及業界人士集思廣益,共同創造新事物。當新產品經優化後而達到可供實際應用的層面後,更有機會進駐信和旗下的商場,進一步去接觸廣大消費者。的確,本港需要這樣的公開平台讓創新科研公司去認識不同合作夥伴及潛在客戶,以完善產品製造過程(即 Journey Map)!



題外話

好消息,Shimba Digital 剛剛又藉着 Jetso App 榮獲「香港O2O電子商務總會」嘅「O2O領先典範大獎」。除咗星島集團嘅支持外,Jetso App 本著以客戶體驗為先嘅理念亦係得到業界肯定嘅原因之一!



「信和創意研發室」傳送門 : www.sinoinnolab.com

hd