Shimba工作室——市場有機【新嘗試·新成果】Market Play By Uncle Ray

早兩日去了香港會議展覽中心舉行嘅 MarketingPulse 走了一趟,除咗和業界朋友碰碰面外,最重要還是聽聽來自全球嘅市場營銷專家、創意大師、品牌及企業代表對亞洲市場嘅實戰分享!正如有講者說,今年行得通的方案並不代表明年一樣可行。營商氣候、科技發展及消費者嘅需求千變萬化,我哋除咗要專注做好份內事外,更需要緊貼本地及國際市場嘅脈搏。今年所討論嘅議題都頗為熟口熟面,例如「開拓廣告界新領域」、「Z世代的營銷致勝術」、「Data:New Currency for All」等等都離不開數碼推廣。所有熱門關鍵字,例如「用戶私隱」、「大數據」、「人工智能」、「區塊鏈」等等都有一一涉及,可謂絕無遺漏。由品牌定位、鎖定目標客戶群、推廣策略、媒體及新科技嘅使用等,各講者都分享得井井有條,具有一般大企業風範。





但最能引起 Uncle Ray 共嗚的就非來自泰國嘅 Golf Nuntawat 莫屬!泰國廣告業發展一向蓬勃,亦不時會發現他們製作嘅廣告係網上瘋傳。Golf 出身於當地大型廣告公司,由於不甘心只是專注喺市場學上 4P 中的其中 2P (推廣及銷售渠道),所以毅然裸辭及後為自己加上一個特別職稱 – Creative Buddy。佢成功地憑著自身對廣告的專業知識,為客戶響產品製造及定價方面提供意見,將自己嘅服務覆蓋面推至全方位,由 2P 變 4P。由佢分享嘅短片作品中看到,無論構思、點子、拍攝手法以至演員嘅選用,都絕對創新、幽默及吸睛,現場人士反應十分熱烈。試問如此具分享性嘅作品又怎能不成功呢?於答問環節中,佢破格嘅思維及對自己信念的肯定就更加表露無遺!可算是「開拓廣告界新領域」的一個活生生嘅例子!

hd