Shimba工作室——市場有機《智能安樂蝸》Market Play By Uncle Ray



一直認為手機應用程式(app)喺樓宇銷售、物業管理以至智能家居應用上可以有好大嘅延伸性。新盤開售之前,發展商可以透過它為準買家提供物業資訊,包括物業位置、週邊設施、單位平面圖、模擬示範單位及價單等;喺建築期間,可以透過它為買家發放物業興建進度嘅資訊;入伙後,它又可成為一個供管理公司跟業主溝通嘅渠道,又或再進一步讓它成為業主嘅智能家居控制平台。



據悉,萬科置業(香港)與施耐德電氣合作,將為旗下屯門新盤「上源」嘅天台特色戶「Sky Le Pont」 裝設 KNX Multitouch Pro 智能觸控屏幕。屆時,住戶可利用設置喺家中嘅屏幕操作介面或「上源」住戶專用 app 來靈活操控單位內嘅冷氣及照明系統,是否身處室內再也不是問題。



KNX Multitouch Pro 本身採用智能手機的操作理念,將多功能按鈕及溫度調節器等多個功能集於一身。屏幕可安裝於多個房間中再連接到中央操控介面,讓用戶輕鬆操控各個房間的溫度及燈光等設備。只須在觸控屏幕上滑動,用戶便可輕易切換不同的操作頁面來操控多達 8 個預設場景;配合創新的感應技術,只需利用預設的簡單手勢,便可啟動最常用的功能。另一誘人嘅地方是這系統介面喺德國製造,採用高質物料,它富有時代感嘅設計已贏得 German Innovation Award 等四個國際知名設計大獎。科技以人為本,容易嘅操作及靚仔嘅外形係相當重要嘅!



待 5G 推出市場及物聯網配套更完善後,智能家居以至智慧城市嘅發展定會更迅速!

hd