Shimba工作室——市場有機【勞動節帶出家庭友善政策】Market Play By Uncle Ray



早兩日係國際勞動節假期,不少朋友可以稍為不勞動及休息一下。話說自從蒸汽機技術喺 18 世紀被英國人瓦特改良及得到廣泛應用後,工業革命便由英國擴散至歐洲大陸及北美地區。到19 世紀時,美國城市化發展已經甚為發達,當時工業資本迅速膨脹、工廠林立,但對勞工嘅保障就完全跟不上。因此,各地嘅勞動階層為了爭取自身權益而不斷努力,終於係 1886 年 5 月 4 日,位於密歇根湖畔的工業重鎮芝加哥嘅乾草市廣場發生了一場始料不及嘅流血衝突,史上稱為「乾草市場事件」(Haymarket Affair)。為了紀念這段歷史, 1889 年在巴黎舉行的「第二國際」成立大會將 5 月 1 日定為國際勞動節。



130 年後嘅今日,香港亦早已不再是只講獅子山精神的社會,大家都明白身心健康及家庭生活嘅重要,追求 work-life balance。由於商討及立例需時,不少企業近年越加主動重視顧員福利,一來可表示對員工嘅關愛、增加同事嘅歸屬感,二來有助留住優秀人才。據悉,華懋集團便定立「家庭友善政策」,除了醫療保險計劃外,更為員工購買人壽保險。至於有薪假期方面,將法定 10 個星期嘅產假增至 14 個星期,最特別還是增設了「老爺奶奶假」及「外父外母假」,讓娶新抱或嫁女的同事可享有一天有薪假期,實行有假全家齊齊放,希望員工可以跟家人一同歡度每個重要時刻,都咪話唔窩心!



華懋家庭友善政策:

https://www.facebook.com/101771473253762/posts/2015713951859495/

hd