Shimba工作室——市場有機【要媽媽快樂的母親節】Market Play By Uncle Ray



媽媽從來都偉大,社會競爭激烈,有仔女尚在求學階段嘅港人媽媽就更偉大!自報讀幼稚園便需要為仔女努力準備履歷開始 (雖然我不知道三歲以下嘅小朋友有什麼個人履歷可言),直到仔女成家立室為他們嘅置業問題而煩惱,期間十多二十年有幾含辛茹苦可想而知!仔女嘅幸福往往也是她們快樂嘅泉源,當中著實包含著比無比更無比的愛!因此,母親節近年越來越受重視。仔女成人後,自然有能力為媽媽安排節目及禮物,讓她們歡度母親節;若然仔女年紀尚小,媽媽們亦十分樂意安排些親子活動式嘅節目,與小朋友一起慶祝!



在剛過去的週末,Volkswagen 就舉辦了一個 Junior KOL 招募活動,對象係三至十歲有表演天份嘅小朋友。勝出嘅小朋友可以同人氣樂隊 ToNick 一起進行影片拍攝及參與工作坊,而出席嘅媽媽更可獲得鑽石禮品作為母親節禮物。據聞,招募反應超熱烈,名額不出一星期時間就已經爆滿。而我哋《頭條POPNEWS》作為協辦單位亦十分興奮!



從市場推廣角度來看,不得不佩服 Volkswagen 嘅市務部人員。第一,活動有賣點。第二,家庭客戶是汽車市場必爭嘅客源,而媽媽們往往也是 decision maker,了解客戶所思所想是成功的重要一步。第三,親子元素加母親節正是年輕母親喜愛嘅活動。第四,活動搶在母親節之前嘅一個週末舉行,並不妨礙母親們幫自己的母親慶祝母親節。由此可見,一個活動嘅成功絕非偶然!

hd