Shimba工作室——【隨市況而行】Market Play By Uncle Ray

        趁市況慢下來及全球減息週期開始之際,大家或有更多時間為自己籌劃未來!無論投資或自住,買樓一直係一個敏感議題。雖然有人不想做樓奴,但亦有朋友好希望擁有自置嘅安樂窩。物業地點十分重要,市中心交通方便及配套完善,加上供應比較緊張,因此售價也會較高但同時亦相對保值。如果係市區嘅新規劃地段就更加吃香,一來享有交通優勢,二來可避免舊區老化嘅缺點。東九龍啟德發展區便是一例,它既是市區新開發重點,亦享有新沙中線嘅鐵路效應。而物業所屬學校校網亦是不少家長嘅重要考慮因素。



        無論係上車揀細單位,還是為改善生活環境而轉換大單位,大型屋苑還是首選。大型屋苑配套完善,會所設計美輪美奐,泳池等康樂設施十分齊備,不少管理公司更會為住客安排興趣班等活動。自住的話,當然可以樂在其中;又因為港人愈來愈著重生活質素,就算要尋找租客,也相對容易。更重要嘅係大型屋苑,物業交投較多,這亦對尋找買家或租客有利。



        樓齡係另一個重要因素,二手樓盤一般按「現狀」買賣,若成交後需要維修,業主要自行負責。而新樓賣家卻可於收樓後驗收,由發展商負責執修並提供保養期。從理財角度看,樓按係一個可以提供高槓桿嘅借貸方案。若果買家能通過銀行還款壓力測試,一手樓一般比較容易「估足價」及獲得較長按揭還款期。

hd