Shimba工作室——【 Jetso App 引爆「優惠市場」】Market Play By Uncle Ray

  上期提到大多商戶喺宣傳產品或服務時,會放大「優惠」、「折扣」及「豁免」等字眼,以吸引潛在客戶嘅注意。喺香港這個發展成熟嘅商業市場,跑數追營業額一直都係各行各業嘅重要績效評核指標(KPI)。眼前中美貿易戰未有停止跡象及本地經濟狀況一直改變,相信促銷跑營業額將會是來季各商戶嘅主要營商策略,「優惠市場」也必是兵家必爭之地!

  我哋鎖定「優惠市場」,好努力咁將 Jetso App 打造成為一個連繫消費者及品牌商戶嘅高效本地平台。邁向五十萬嘅下載數目及穩步上揚嘅瀏覽人次令 Jetso App 遠遠拋離其他對手,發揮到出嚟嘅推廣效益亦當然有番咁上下。喺用戶使用率不斷攀升嘅同時,亦大大刺激對優質內容嘅需求,因此同事們日以繼夜地不停構想大大小小嘅不同遊戲、大量嘅著數優惠券及更到位嘅精明消費情報。以為了慶祝《頭條日報》邁向十五周年嘅活動為例,我哋搵咗超過港幣一千萬嘅著數同獎品畀用戶及讀者,真係做到返工不知時日過!此外,我哋亦精心挑選咗不少新穎有趣又實用嘅商品來開拓電商市場,根據銷售數字嚟睇,Jetso App 用戶嘅消費意欲及能力亦相當不俗!

  另一方面,我哋好慶幸今年以來有不少商戶主動聯絡我哋,為用戶端提供著數優惠,這正好配合我哋嘅藍圖走向,向著構想中嘅生態系統進發。我哋亦都設有一套完整嘅方案去配合商戶推廣產品,計有深化參與度嘅「有獎遊戲」、刺激銷量嘅「著數優惠券」、軟銷產品嘅「內容營銷方案」、突顯產品特色嘅「展示廣告」、售賣產品嘅「商貿平台」及價廉兼自助嘅「分類Jetso」。我哋好樂意跟不同嘅商戶合作,希望一提起「優惠市埸」,大家便會想起 Jetso App!

hd