Shimba工作室——【「澳門新八景」旅遊小貼士】Market Play By Uncle Ray



隨著去年年底港珠澳大橋正式通車,香港與澳門之間嘅距離又再拉近一大步。不單交通時間縮短,暈船浪嘅朋友更可以用一個舒服嘅方式去澳門,種種嘅好處吸引咗好多香港人去澳門玩番一兩日,輕鬆放下假!



講到澳門景點,其中最為港人熟識嘅莫過於大三巴牌坊同媽閣廟。今年 3 月底通過網絡全球投票,選出「澳門新八景」。新八景分別:西望洋山、兩湖一塔(南灣湖、西灣湖和旅遊塔)、議事亭前地、龍爪角、路環漁村、戀愛巷、福隆新街以及港珠澳大橋。新八景新舊交融中西薈萃,既有富歷史價值嘅景點,又有新興嘅熱門打卡景點,盡顯澳門多樣性面貌同城市發展。無論你想細味景點背後嘅歷史人文,抑或趕潮流打卡放上社交媒體,澳門新八景都係大家嘅不二之選,快快來感受澳門不一樣嘅風土民情!



如果去到澳門唔識交通或唔知邊度有好嘢食,手機應用程式「論區行賞 Step Out, Macao」就幫到大家喇!「論區行賞 Step Out, Macao」唔單止列出澳門八條唔同主題嘅步行路線,仲可以睇埋附近嘅推薦美食同交通資訊,連未來一週嘅天氣預測、緊急電話同旅遊小貼士都一應俱全!以後去到澳門,只要電話下載「論區行賞 Step Out, Macao」就無有怕喇!

hd