Shimba工作室——【互聯生活.用科技照明家居】

日前受邀出席貿發局第 21 屆秋季燈飾展和戶外及科技照明博覽早餐會,跟來自世界各地參展商有一個深入而不拘謹嘅交流,甚有意思!秋燈展匯聚逾 2,700 家來自全球 35 個國家及地區嘅展商,而戶外及科技照明博覽則有超過400家來自香港、中國內地、台灣和新參展嘅泰國企業。兩項展覽合組成全球最大嘅燈飾及照明產品商貿平台,讓買家盡覽最新產品之餘,也能一站式蒐羅合適商品,從中掌握市場潮流及動向。

        同各個參展商嘅交流中,發現大家都一致睇好智能家居市場嘅潛力!在眾多商戶中,比較令人印象深刻嘅係來自台灣嘅麗光科技 (BLTC) 同香港公司 YOSWIT。 BLTC 嘅皇牌產品係一個有錄影功能嘅智能電燈泡,配合自家推出嘅手機應用程式,用家唔單止可以調節電燈嘅光暗及色溫,仲可以即時 360 度觀察家中狀況,甚至可以開咪與家裏人直接對話,啱晒屋企有養寵物嘅朋友!

智能家居已發展咗一段時間,除了開發聲控系統外,YOSWIT 亦已經為 5G 嘅來臨作好準備。在面對商業客戶及一般消費者時,公司會提供不同應對方案, 後者會著重於趣味性多些。試問當你坐在沙發上,有什麼比用聲音來控制家中照明來得更悠閒﹖而且完成安裝及設置只需10分鐘,認真快靚正!

戶外及科技照明博覽最後今日喇!有興趣嘅業內人士,記得今日去亞洲國際博覽館了解下喇!

hd